62 տարեկան հասակին մահացած է Թանզանիոյ նախագահ Ճոն Մակուֆուլին: Այս մասին յայտնած է Bloomberg-ը:
Նշուած է, որ երկրի նախագահի մահուան մասին յայտարարած է փոխնախագահ Սամիա Սուլուհու Հասանը:
Ինչպէս աւելի վաղ ըսած էր Թանզանիոյ ընդդիմադիր քաղաքական գործիչ Թունտու Լիսուն՝ պետութեան ղեկավարը, որ վարակուած էր «Քորոնա» ժահրով, տեղափոխուած է Հնդկաստան: Ըստ Լիսուի, նախագահը մինչ այդ բուժում կը ստանար Քենիայի մէջ:
Financial Times- ը գրած է, որ Մակուֆուլին ծանր հիւանդ էր: Քենիայի Nation հրատարակութիւնը նոյնպէս յայտնած է, որ «ափրիկեան երկիրներէն մէկու առաջնորդը, որ մօտ երկու շաբաթ հանրութեան առջեւ չէր յայտնուեր, COVID-19-ով տեղափոխուած է Նայրոպիի հիւանդանոցներէն մէկը»:
Լրատուամիջոցներու հաղորդմամբ, ան միացուած էր թոքերու արհեստական օդափոխման սարքին:
Միացիր մեզ Տելեգրամում
Միացիր մեզ Յութուբում
Կիսվել
