2.09c
Երեվան
կրկ, դկտ 22
ՀՀ երկրորդ նախագահ Ռոպերթ Քոչարեան դիմատետրեան իր էջին արձագանգած է Արցախի Հանրապետութեան Ազգային ժողովի 23 մայիսին յայտարարութեան։
Ռոպերթ Քոչարեանի արձագանգին մէջ ըսուած է․
«Արցախի ԱԺ խորհրդարանական մեծամասնութեանը
Նախագահներին ուղղուած վերջնագրային պահանջները իմ մասով համարում եմ անտեղի եւ վիրաւորական: Դուք միայն նո՞ր հասկացաք, թէ ինչ է կատարւում։ Դուք այդքան նաի՞վ էք (պարզամիտ)։ Նոյնիսկ մեծ ցանկութեան դէպքում անհնար էր չտեսնել, որ վերջին երկու տարին Արցախի բացայայտ յանձնում է տեղի ունենում: Մենք դրա մասին խօսել ենք հանրային եւ բոլոր առիթներով: Արցախի ԱԺ-ն իր մեծամասնութեամբ (բացառութեամբ 4 պատգամաւորի), իրենց առաջնորդներով որեւէ կերպ չի արձագանգել մեր զգուշացումներին:
Դուք սատարեցիք Հայաստանի իշխանութիւններին 2021 թուականի ընտրութիւնների ժամանակ: Դուք «չնկատեցիք» նախորդ տարուայ ապրիլ-մայիսին Երեւանում տեղի ունեցող զանգուածային բողոքի ցոյցերը: Ձեր հնազանդութեամբ եւ Հայաստանի իշխանութիւններին գոհացնելու ձգտմամբ դուք թոյլ տուեցիք, որ Արցախի ճակատագիրը որոշուի առանց ձեր մասնակցութեան:
Այնպէս որ, չհամարձակուէք պատասխանատւութիւնը հիւանդ գլխից բարդել առողջի վրայ: Եւ հաստատ՝ դուք չէ, որ կարող էք դատողութիւն անել իմ հայրենասիրութեան մակարդակի մասին: Իմ մօտեցումները չեն փոխուել՝ Հայրենիքի համար պէտք է պայքարել, այլ ոչ թէ պայքար ձեւացնել»:
