8.09c
Երեվան
երք, փտր 04
Թոյլ տըւէք վառի, որ չխաւարի մոմը հայկազուն,
Ինչպէս Եղեռնին՝ թող տոկայ նաեւ տարափ հովերուն,
Թող որ նախանձին, կրճտեն յաճախ, մարդե՛րն աչքառու,
Որ ձեր օճախին մոմը մշտավառ մնաց շողշողուն։
Թոյլ տըւէք վառի, որ չխաւարի մոմը հայկազուն...
Վա՜յ քեզի հոգեակ, թէ թողես մարի մոմըդ հայկազուն,
Ոչ հոգւոյ ճախրանք, ոչ ալ քու որդիք քեզ չեն ճանչնալու,
Մոմը նախնիքիդ՝ պատնէշն է կեանքիդ, ներո՛ւժ եռանդուն,
Նախերգը մտքիդ, ժառա՛նգն արիւնիդ ու քու թոռներուն։
Վա՜յ քեզի հոգեակ, թէ թողես մարի մոմըդ հայկազուն...
Եւ ահաւասիկ, մեր տունը կայտառ շէնք է երկնամերձ,
Շնորհիւ մոմին որ դար մը առաջ փրկանք աղօթեց,
Փրկանք մեր կեանքին ու տոհմին մեր սուրբ, որ մենք յարատեւ
Պատուենք աննկուն մոմը հայկազուն, ո՛չ ուրիշ պարգեւ։
Դե՜հ, թողէք վառի, նոր սերունդներուն մոմը երկնամերձ...։
ԿԱՅԼԱԿ (Նոյ. 04, 2012)
«Սէր Ու Կրակ» գիրքէն
