Կորիզային խնդրով ՄԱԿ-էն ու ԱՄՆ-էն կոչ՝ Իրանին

Կորիզային խնդրով ՄԱԿ-էն ու ԱՄՆ-էն կոչ՝ Իրանին

ՄԱԿ-ը կոչ կ'ընէ Իրանին չեղարկելու քայլերը, որոնք կը հակասեն միջուկային ծրագրի շրջանակին մէջ երկրի պարտաւորութիւններուն: Այս մասին յայտարարած է քաղաքական հարցերով ՄԱԿ-ի գլխաւոր քարտուղարի տեղակալ Ռոզմարի Տիքառլօն ՄԱԿ ԱԽ նիստին:

2015 թուականին Մեծն Բրիտանիան, Գերմանիան, Չինաստանը, Ռուսիան, ԱՄՆ-ն, Ֆրանսան եւ Իրանը կնքեցին միջուկային գործարք` Համատեղ գործողութիւններու համապարփակ ծրագիր, որ կ'ենթադրէր պատժամիջոցներու չեղարկում` Իրանի միջուկային ծրագրի սահմանափակման դիմաց: 2018 թուականին ԱՄՆ-ի` այն ժամանակուան նախագահ ՏոնալտԹրամփը դուրս բերաւ երկիրը միջուկային գործարքէն եւ վերականգնեց Թեհրանի դէմ պատժամիջոցները: Ի պատասխան` Իրանը յայտարարեց իր պարտաւորութիւններու փուլային կրճատման մասին:

Իր հերթին, ՄԱԿ-ի մէջ ԱՄՆ-ի մշտական ներկայացուցիչի տեղակալ Ռիչըրտ Միլս յայտարարած է, որ ԱՄՆ-ն պատրաստ է հասնելու պայմանաւորուածութիւններու եւ կատարելու զանոնք, եթէ Իրան հրաժարի իր յաւելեալ պահանջներէն, որոնք դուրս կու գան ծրագրի շրջանակներէն: