Եգիպտոսը Միացեալ Նահանգներն ու Իսրայէլը զգուշացուցած է հրէական պետութեան հետ յարաբերութիւնները խզելու մտադրութեան մասին: Յայտարարած է, որ կը դիմէ այդ քայլին, եթէ Կազայի հարաւային շրջանին մէջ Իսրայէլի ռազմական գործողութեան պատճառով պաղեստինցի փախստականները տեղահանուին Սինա:
Այս մասին գրած է Axios-ը՝ յղում ընելով ամերիկացի եւ իսրայէլացի պաշտօնեաներուն։
Եգիպտոսը, որ Կազայի պատերազմը կը դիտարկէ որպէս իր ազգային անվտանգութեան սպառնալիք, կը փորձէ թոյլ չտալ պաղեստինցի փախստականներուն անցնիլ իր սահմանը:
Նշենք, որ Կազայի մէջ գրեթէ 1,9 միլիոն մարդ կամ բնակչութեան մօտ 85%-ը դարձած է ներքին տեղահանուած: