7.09c
Երեվան
ուրբ, նմբ 06
Իսրայէլի Քնեսեթի ընտրութիւններէն ետք Արաբական քաղաքական դաշինքը յայտարարած է, թէ մտադիր է առանց նախապայմաններու աջակցիլ ընդդիմադիր դաշինքի առաջնորդ Կատի Այզենքոթին՝ նոր կառավարութիւն կազմելու հարցով։ Դաշինքի ներկայացուցիչները այս որոշումը պիտի յայտնեն Իսրայէլի նախագահ Իսհաք Հերցոկին։
Հոկտեմբերի վերջին կայացած խորհրդարանական ընտրութիւններու արդիւնքով առաջատար դիրք գրաւած է գործող վարչապետ Բենիամին Նաթանիահուի «Լիքուտ» կուսակցութիւնը։ Այդուհանդերձ, ո՛չ «Լիքուտ»ը եւ ո՛չ ալ անոր գլխաւոր մրցակիցը՝ «Եաշար» կուսակցութիւնը, յաջողած են մեծամասնութիւն ապահովել։
Նաթանիահուի կուսակցութեան գլխաւորած դաշինքը Քնեսեթին մէջ կրնայ ստանալ 53 աթոռ, իսկ Ընդհանուր սպայակոյտի նախկին պետ Կատի Այզենքոթի ընդդիմադիր կուսակցութեան գլխաւորած դաշինքը՝ 48 աթոռ։ Արաբական ուժերը պիտի ստանան աննախադէպ թիւով՝ 19 աթոռ։
Նշենք, որ «Լիքուտ»ը կամ «Եաշար»ը կրնայ մեծամասնութիւն կազմել միայն արաբական կուսակցութիւններուն կամ իրարու հետ դաշինք կազմելու պարագային։ Սակայն, ըստ տարբեր գնահատականներու, նման զարգացումը քիչ հաւանական կը նկատուէր։ Մեծամասնութիւն ապահովելու համար անհրաժեշտ է 61 աթոռ։ Եթէ, ի վերջոյ, կողմերէն ոչ մէկը յաջողի կառավարութիւն կազմել, Քնեսեթի նոր ընտրութիւններ պիտի նշանակուին։
