6.09c
Երեվան
չրք, փտր 25
Չինաստանը 28 մարտին, պատասխան պատժամիջոցներ սահմանած է կրօնական ազատութիւններու հարցով ամերիկեան պետական յանձնաժողովի նախագահի եւ փոխնախագահի, ինչպէս նաեւ մէկ Գանատացի փաստաբանի դէմ:
Ինչպէս կը հաղորդէ Reuters գործակալութիւնը, Չինաստանի այս որոշումը պատասխանն է ԱՄՆ-ի եւ Գանատայի սահմանած պատժամիջոցներուն՝ կապուած Սինցզեանը ներկայացնող պաշտօնեաներու հետ:
Փեքին դէմ հանդէս եկած է ԱՄՆ-ի, ԵՄ-ի, Բրիտանիոյ եւ Գանատայի սահմանած պատժամիջոցներուն, որոնք ուղղուած են Սինցզեան շրջանի ույղուր իսլամներու իրաւունքներու խախտման համար պատասխանատու պաշտօնեաներուն դէմ:
Բացի այդ, պատժամիջոցներու տակ յայտնուած է Գանատայի Համայնքներու պալատի միջազգային զարգացման եւ արտաքին հարցերով տեւական յանձնաժողովի մարդու իրաւունքներու հարցով ենթայանձնաժողովը:
Նշուած է, որ պատժամիջոցներու ենթարկուող անձերը չեն կրնար մուտք գործել Չինաստանի տարածք, նաեւ՝ Հոնկ Քոնկ եւ Մաքաո: Չինական կազմակերպութիւններուն եւ քաղաքացիներուն արգիլուած է առեւտրային գործունէութիւն ծաւալել անոնց հետ:
