18.09c
Երեվան
ուրբ, ապր 19
Արցախի մէջ ջուրի խնդրի լուծման աշխատանքներ. Ռուսական կողմը ստանձնած է ապահովութիւնը
Ռուս խաղաղապահները կը շարունակեն բազմակողմանի աջակցութիւն ցուցաբերել Լեռնային Ղարաբաղի բնակավայրերու իշխանութիւններուն տեղւոյն բնակիչներու խնդիրները լուծելու հարցով: Այս մասին ըսուած է ՌԴ Պաշտպանութեան Նախարարութեան տեղեկագիրով:
Հաղորդուած է, որ ռուսական խաղաղապահ զօրակազմի մարդասիրական արձագանգման մասնագէտները արձագանգած են Մարտունիի շրջանի Մաճկալաշէն գիւղի ղեկավարի խնդրանքին, ուր առանց խաղաղապահներու կողմէ անվտանգութեան ապահովման, անհնար է սահմանազատման գիծի մօտակայքը ջրային ուղիներու տեղակայման երկրաչափական աշխատանքներ իրականացնել:
«Այսօր ժամանած ենք Մաճկալաշէն բնակավայր՝ օգնութիւն ցուցաբերելու խողովակաշարի տեղակայման աշխատանքներու իրականացման, բնակավայրին խմելու ջուր մատակարարելու ընկերային հարցով: Տուեալ բնակավայրին մէջ խմելու ջուրով կ'ապահովուի աւելի քան 400 բնակիչ»,- ըսած է ռուսական խաղաղապահ զօրակազմի ներկայացուցիչ՝ Ալեքսանդր Զայցեւը:
Նշուած է, որ բոլոր հողային աշխատանքները սկսելէ առաջ, ռուս ականազերծողները տեղանքի մաքրման աշխատանքներ կ'ընեն՝ ստուգելու պայթիւնավտանգ առարկաներու առկայութիւնը:
