0.09c
Երեվան
կրկ, դկտ 21
Արցախի մարդասիրական իրավիճակը քննարկելու համար ՄԱԿ-ի Անվտանգութեան խորհուրդի նիստը տեղի պիտի ունենայ 16 օգոստոսին, ժամը 15։00-ին: Այս մասին յայտնած է ՄԱԿ-ի մօտ ԱՄՆ-ի մշտական ներկայացուցչութիւնը։
«Հայաստանի դիմումով հանդիպումը պիտի կայանայ 16 օգոստոսին՝ ժամը 15:00-ին»,- ըսուած է հաղորդագրութեան մէջ։
ՀՀ արտաքին գործոց նախարարութիւնն իր հերթին յայտնած է, որ 16 օգոստոսին ՀՀ արտաքին գործոց նախարար Արարատ Միրզոյեան պիտի գտնուի Նիւ Եորք՝ մասնակցելու Ատրպէյճանի կողմէ լիակատար շրջափակման հետեւանքով Լեռնային Ղարաբաղի մէջ մարդասիրական իրավիճակի վատթարացման առնչութեամբ ՀՀ պահանջով հրաւիրուած ՄԱԿ-ի Անվտանգութեան խորհուրդի հրատապ նիստին։
