31.41c
Երեվան
հնգ, հլս 02
Ըստ «Ալ Մայատին» կայանին, քիչ առաջ հրթիռներ ինկած են Հալէպի հիւսիս-արեւելեան հատուածին վրայ։ Աղբիւրը նաեւ կը հաղորդէ, որ շատ հաւանական է, որ հարուածները տրուած են իսրայէլեան օդուժին կողմէ։
Իր կարգին «Սքայ նյուզ արապիք» կայանը հաղորդեց, որ հարուածներու թիրախ դարձած է Հալէպի միջազգային օդակայանի շրջանը։ Նոյն առումով եւ ըստ սուրիական «Սանա» գործակալութեան, հարուածներ ստացած է նաեւ Հալէպի «Շէյխ նաճճար» շրջանը։ Նշենք, որ տուեալները նախնական են եւ աւելի ուշ աւելի յստակ կը դառնայ Հալէպի մէջ ընթացող զարգացումներուն վերջնական պատկերը։
Լուսանկարը՝ «Արեւելք»ի արխիւէն։
