17.17c
Երեվան
չրք, հլս 01
Լիբանանի հանրապետութեան նախագահ Զօր. Միշէլ Աուն երէկ լրագրողներու հետ ճեպազրոյց մը ունենալու ընթացքին, զգուշացուցած է երկրի բոլոր կողմերը, որ եթէ յառաջիկայ փուլին նոր կառավարութիւնը չկազմուի, ապա Լիբանան կրնայ յատնուիլ քաոսային իրավիճակի մը մէջ:
Աուն նաեւ ըսած է, որ բոլոր կողմերը եւ անձնապէս ինք կարեւոր ճիգեր կը կատարեն յաջողցնելու համար նոր կառավարութեան կազմութիւնը:
Ըստ «Ալ-Ժատիտ» լրատուական կայքին, լիբանանցի նախագահը 8 մարտի սիւննիներուն ներկայացուցած է նոր ձեւաչափ մը, որուն հիման վրայ ան առաջարկած է, որ զիրենք ներկայացնող սիւննի նախարարը ըլլայ իրենց խմբակցութենէն դուրս եղող անկախ անձ մը:
Յիշեցնենք, որ Լիբանանի կառավարութեան տագնապը ժխտական առումով կարեւոր շրջափուլ մը կ'ապրէր, երբ Սուրիոյ եւ «Հըզպալլա»ի մօտիկ համարուող սիւննիները կը պահանջէին զիրենք ներկայացնող նախարար մը ըլլայ Հարիրիի ղեկավարութեամբ կազմուելիք կառավարութեան մէջ:
Յայտնենք նաեւ, որ անկախ սիւննիները առաջին անգամ ըլլալով խորհրդարան մտած էին անցեալ մայիսին կատարուած խորհրդարանական ընտրութիւններուն արդիւնքով:
