25.98c
Երեվան
հնգ, հլս 02
«Մեր գիւղը օրհնուած գիւղ է» ահա այս բառերով է, որ Այնճարցի մեր հայրենակիցը կը պատմէ իր ու մեր բոլորին համար սիրելի հայկական գիւղին մասին։
Այնթէպլեան, որ վերջերս տեսանիւթ մը տարածած է իր էջին կը պատմէ այն մասին, թէ ինչքան կենսական է ջուրը յ հայ գիւղացիին համար։
Նկատելով ջուրին առատութիւնը եւ Այնճարի հողէն դուրս եկող ջուրի մեծ քանակը Այնթէպլեան մեզի կը յիշեցնէ, որ անցեալ տարիներուն Այնճար կը տառապէր ջուրի նուազումէ, բան մը որ ժխտական անդրադարձ ունեցած է գիւղացիներու աշխատանքին ու նաեւ անոնց կենցաղին վրայ։
Այս տարի Այնճարցիք դրական շեշտերով պիտի դիմաւորեն գարունը, որովհետեւ գիւղին մէջ ջուրը առատ պիտի ըլլայ։ Այդ առումով ալ Յակոբ կ՚ըսէ ՝ «Մենք հաւատացեալ ենք, Աստուած լսեց մեր աղօթքները եւ մեզի առատ ջուր տուաւ»,-շեշտելով նաեւ, որ «Այնճարը փոքրիկ Հայաստան է, եկէք տէր կանգնինք այս գիւղին»։
Ի դէպ հողագործութեամբ զբաղուող բնիկ Մուսա Տաղցի Յակոբ Այնթէպլեանը ճանչցուած է, ոչ միայն Այնճարի այլ նաեւ պէյրութահայութեան կողմէ։
Ան շատ նման է 1900-ականներուն Արեւմտահայոց հողն ու արտը վարուցան ընող նուիրեալներուն, որոնք հարկ եղած ատեն գիտած են արագօրէն բահը գետին նետել եւ անոր փոխարէն մոսինը վերցնել պաշտպանելու համար հայոց հողն ու ջուրը։
Ի դէպ մեր հայրենակիցը, որ հայագիտական կրթութիւն ալ ստացած է յաճախ հանդէս կու գայ յօդուածներով, իսկ հասարակական առումով ալ ան մշտական ներկայութիւն է Այնճար գիւղի ձեռնարկներուն ու միջոցառումներուն, որպէս բանախօս եւ պատգամաբեր։
