17.09c
Երեվան
ուրբ, մյս 08
The Independent պարբերականի աշխատակից Քրիսթոֆ Հութոն ուշագրաւ ակնարկ մը ստորագրած է օրերս Գանատայի մէջ ցուցադրուելիք սկսած ֆիլմին մասին: Սիւնակագիրը զարմանք կը յայտնէ, որ ցարդ երեք ցուցադրումներով ֆիլմը յաջողած է բարձր վարկանիշ մը ապահովել: Հութոնի կը տեղեկացնէ, որ Թէրի Ճորճի բեմադրած ֆիլմի հերոսներն են՝ Քրիստիան Պէյլ եւ Օսքար Իսահակ: Ան կը ներկայացնէ Օսմանեան կայսրութեան վերջին օրերը, որոնք առաջնորդեցին Հայկական Ցեղասպանութեան, որուն զոհ դարձաւ 1,5 միլիոն մարդ:
Գրութեան ժամանակ ֆիլմը 86,704 գնահատական ունէր IMDb-ի վրայ, որմէ 55,126-ը՝ մէկ աստղանի եւ 30,639-ը՝ 10 աստղանի էին, շատ քիչ ձախող գնահատականներով, որոնք կասկածի տակ են: Քուէներու մեծամասնութիւնը ԱՄՆ-էն դուրս գտնուող մարդոցմէ է:
Ըստ յօդուածագրին, «Խոստումը» ֆիլմը հասարակութեան ներկայացուած է միայն երեք անգամ եւ այդ փաստին առընթեր տրուած գնահատակնները անսպասելի են:
Հայկական սփիւռքի համայնքները երկար ժամանակ է՝ կը պայքարին Ցեղասպանութեան ճանաչման համար եւ 2010-ին ԱՄՆ-ի երեսփոխանական խմբակ մը սահմանափակօրէն քուէարկեց, թէ պատահարը վստահ Ցեղասպանութիւն էր, որոշում մը, որ թրքական կառավարութիւնը քննադատեց, ըսելով, թէ մեղադրուած է ոճիրով մը, որ «չէ գործադրուած»:
IMDb-ի քաղաքականութիւնն է՝ չմիջամտել օգտագործողներու գնահատականներուն, բայց շատերը պահանջած են հիմնական փաստեր՝ հետեւելու բացասական գնահատականներու ընթացքին:
«Խոստումը» ֆիլմին պաշտօնական համացոյցը.-
«1914-ն է: Երբ Համաշխարհային պատերազմը կը բարձրանար, անսահման Օսմանական կայսրութիւնը կը փշռուէր: Կոստանդնուպոլիսը (Ստամպուլ), ժամանակուան հնչուն, բազմամշակութային մայրաքաղաքը, կը մաշէր քաոսին հետեւանքով:
Միքայէլ Պօղոսեան (Օսքար Իսահակ), կը ժամանէ համաշխարհային կեդրոնը, որպէս բժշկականի աշակերտ, արդի բժշկութիւնը ՝ հարաւային Թուրքիոյ մէջ, իր ծնողական գիւղը վերադարձնելու վճռկամութեամբ, ուր թուրք իսլամները եւ հայ քրիստոնեաները կողք-կողքի կ′ապրէին դարեր շարունակ:
Լրագրող Քրիս Մայրզ (Քրիստիան Պէյլ), այստեղ եկած էր աշխարհաքաղաքականութիւնը մասամբ մը ծածկելու միայն: Ան հմայուած էր Անայով (Շարլոթ Լը Պոն), հայ արուեստագիտուհի մը, որուն ընկերակցեցաւ Փարիզէն, աղջկան հօր յանկարծակի մահէն ետք:
Երբ Միքայէլ կը հանդիպի Անային, իրենց բաժնեկցած հայկական ժառանգութիւնը հրապոյր մը կ′արտացոլէ, որ կը ժայթքէ առասպելական մրցակցութեան երկու տղամարդկանց միջեւ, չնայած անոր, որ Միքայէլ կապուած էր խոստումի մը՝ իր անցեալէն:
Թուրքերու, գերմանական կողմի կողքին, պատերազմին մասնակցութենէն ետք, կայսրութիւնը վայրագօրէն կը լարուի, իր ցեղային փոքրամասնութիւններուն դէմ: Նախատելով անոնց պայքարը, ամէն ոք պէտք է փրկութեան ճամբայ մը գտնէր – նոյնիսկ՝ եթէ յիշատակի դէպքեր կը պատեն իրենց կեանքերը»:
