10.09c
Երեվան
ուրբ, հկտ 02
Հալածուող քրիստոնեաներու ձայնը աւելի լայն շրջանակներու հասցնելու եւ անոնց դիմագրաւած խնդիրներուն նկատմամբ միջազգային իրազեկութիւնը բարձրացնելու նպատակով հիմնուած «AXIOMA» Կեդրոնը նոր հանգրուան մը սկսած է իր գործունէութեան մէջ։ Կեդրոնի ներկայացման ձեռնարկին մասնակցեցաւ Սուրիոյ Հայ Աւետարանական Համայնքի Պետ Վեր. Դոկտ. Յարութիւն Սելիմեան։
Հալածուող Քրիստոնեաներու «AXIOMA» Կեդրոնը, Թրիզան Ազպէյի ղեկավարութեամբ, իր գործունէութիւնը կը շարունակէ քաղաքացիական միջավայրի մէջ՝ նպատակ ունենալով աջակցիլ հալածանքի ենթարկուող քրիստոնեայ համայնքներուն, ներկայացնել անոնց պատմութիւններն ու խնդիրները եւ անոնց ձայնը աւելի լայն շրջանակներու հասանելի դարձնել։
Կեդրոնի ներկայացման ձեռնարկին մասնակցեցաւ Սուրիոյ Հայ Աւետարանական Համայնքի Պետ Վեր. Դոկտ. Յարութիւն Սելիմեան։
Ձեռնարկին ընթացքին անդրադարձ կատարուեցաւ աշխարհի տարբեր շրջաններու մէջ հալածանքի ենթարկուող քրիստոնեայ համայնքներու կացութեան՝ յատկապէս Միջին Արեւելքի եւ Ափրիկէի մէջ։
Քննարկուեցաւ նաեւ նորաստեղծ Կեդրոնի դերակատարութիւնը՝ այս համայնքներու պատմութիւնները աւելի լայնօրէն ներկայացնելու, անոնց դիմագրաւած անարդարութիւններուն մասին իրազեկութիւնը բարձրացնելու եւ անոնց ձայնը միջազգային հարթակներու վրայ լսելի դարձնելու ուղղութեամբ։
Վեր. Դոկտ. Յարութիւն Սելիմեանի մասնակցութիւնը առիթ հանդիսացաւ նաեւ ընդգծելու Միջին Արեւելքի քրիստոնեայ համայնքներու փորձառութիւնները ներկայացնելու, անոնց շարունակական ներկայութեան նկատմամբ ուշադրութիւնը պահպանելու եւ տարածաշրջանին մէջ անոնց առաքելութեան կարեւորութիւնը շեշտելու անհրաժեշտութիւնը։
