22.77c
Երեվան
կրկ, օգս 09
ՌՈՒՍԻԱ- («Տէյլի Սապահ»- Պոլիս) Առնուազն 26 թուրք առեւտրականներ ձերբակալուած են ռուսական Կրասնոտար քաղաքին մէջ: Այս մասին տեղեկութիւնը կը փոխանցէ «Տէյլի Սապահ»ը, որ նաեւ կը յայտնէ, թէ առեւտրականները Կրասնոտար մեկնած էին` մասնակցելու տնտեսական ֆորումի մը: Կրասնոտարի ոստիկանութեան մէկ բանբերը այս մասին լուր փոխանցելով յայտնած էր, որ թուրքերը պիտի մնան ոստիկանութեան խիստ հսկողութեան տակ եւ շատ հաւանական է, որ անոնք արտաքսուին դէպի իրենց երկիրը: Թուրքիոյ իշխանութիւններուն մերձ համարուող տարբեր բանբերներ յայտնած են, որ թուրք առեւտրականներուն ձերբակալութիւնը կապ ունի ռուսական «Սու -24»-ի խոցման դէպքին եւ անոր հետեւանք եղած բարդացումներուն հետ:
