-0.91c
Երեվան
չրք, դկտ 24
Միացեալ Նահանգներու գործող նախագահ՝ Տանըլտ Թրամփ յայտարարած է, որ երբեք չ'ընդունիր ընտրութիւններու իր պարտութիւնը, կը հաղորդէ ria.ru-ն։
«Մենք երբեք չենք յանձնուիր»,- յայտարարած Է Թրամփ՝ ելոյթ ունենալով Սպիտակ տան մօտ հաւաքուած տասնեակ հազարաւոր կողմնակիցներու առջեւ:
Թրամփ ընտրութիւններու ենթադրեալ խախտումները անուանած է «վրդովեցուցիչ»։
ԱՄՆ-ի նախագահ Թրամփ վերստին կոչ ըրած է փոխնախագահ Մայք Փենսին միջամտելու Գոնկրէսի մէջ ընտրիչներու ձայներու հաշուարկի գործընթացքին:
«Եթէ Մայք Փենս ամէն ինչ ճիշդ ընէ, մենք կը յաղթենք ընտրութիւններուն»,-յայտարարած է Թրամփ:
Նշենք, որ ԱՄՆ-ի գործող նախագահ՝ Տանըլտ Թրամփի տասնեակ հազարաւոր կողմնակիցները նախագահական ընտրութիւններու արդիւնքներուն դէմ բողոքի ցոյցեր ըրած են։
ԱՄՆ-ի փոխնախագահ՝ Մայք Փենս, որպէս Ծերակոյտի նախագահ, պէտք է Գոնկրէսի երկու պալատներուն հետ հաստատէ նախագահական ընտրութիւններու քուէարկութեան արդիւնքները։
Յիշեցնենք, որ պաշտօնական տուեալներով՝ նախագահական ընտրութիւններուն յաղթած է դեմոկրատ Ճօ Պայտըն, որ հաւաքած է ընտրիչներու 306 ձայնը: Թրամփ չ'ընդունիր իր պարտութիւնը։
