-3.91c
Երեվան
չրք, դկտ 03
Օրերս Նիւ Եորքի մէջ իր մահկանացուն կնքած է Մերձաւոր Արեւելքի Աղքատախնամ կազմակերպութեան (Near East Foundation-ը (NEF)) նուիրեալ գործիչներէն՝ Արման Գույումճեան։
Տխուր լուրին մասին վերահասու դարձանք «Արեւելք»ին ուղարկուած հաղորդագրութիւնէն։
Ստորեւ տրուած մահագրականը՝
Արման Գույումճեանի Յիշատակին
Անցեալ շաբաթ, Near East Foundation-ը (NEF) կորսնցուց մեր համայնքի սիրելի անդամներէն մէկը՝ Արման Ժ. Գույումճեանը, որ մահացաւ Հոկտեմբեր 16, 2025-ին։ Աւելի քան 15 տարի շարունակ Արման մեծահոգութեամբ նուիրած էր ժամանակը եւ իր փայլուն իրաւաբանական իմացութիւնը NEF-ին՝ ծառայելով իբրեւ մեր կամաւոր իրաւաբանական խորհրդատու՝ իր ընկերակցութիւնը Baker Botts-ի հետ։
Ան խորութեամբ նուիրուած էր մեր առաքելութեան եւ յատկապէս ուշադրութիւն կը դարձնէր խոցելի հայ մանուկներուն օգնութեան։ Իր անգին խորհրդատուութենէն բացի, ան նաեւ մեր կազմակերպութեան առատաձեռն նուիրատու էր։
Արման կը բնորոշուէր խոր համեստութեամբ եւ մարդասիրութեամբ՝ ըլլալով Հայոց Ցեղասպանութենէն փրկուածներու մէկ ժառանգորդ-թոռնիկը, որոնցմէ մին մանկական տարիքին ապաստան գտած էր Near East Relief-ի մօտ։ Ան չափազանց հպարտ էր ծառայել այն կազմակերպութեան, որ տարիներ առաջ փրկած էր իր մեծ մայրը եւ անթիւ ուրիշներ։ Ան կը զգար, թէ իր պարտքն էր այսօր օգնել անոնց, որոնք կարիքի մէջ են։
Մենք երախտապարտ ենք Արմանի բացառիկ ներդրումներուն, իր ազնուութեան եւ NEF-ի առաքելութիւնը առաջ տանելու հանդէպ ունեցած անխախտ նուիրումին։ Այս դժուար օրերուն սրտակից ենք անոր ծնողներուն՝ բժիշկներ Ժիրայր եւ Ռիթա Գույումճեաններու, իր կնոջ՝ Թալինին, եւ իրենց դստեր՝ Սեւանին։
Արման պիտի մնայ խորապէս յիշուող, եւ իր առատաձեռնութեան, մտաւոր կարողութեան եւ կարեկցութեան ժառանգութիւնը պիտի շարունակէ ուղղել եւ ներշնչել մեզ։
Կը նշուի նաեւ, որ Արման Գույումճեանի վերջին հրաժեշտի արարողութիւնը պիտի կայացուի յառաջիկայ 7 Դեկտեմբերին , ժամը 11:30-ին, Նիւ Եորքի Սուրբ Վարդան Հայ Առաքելական Տաճարին մէջ։
