Լիբանան- Ծանր իրավիճակ կը տիրէ Պէյրութի կեդրոնական թաղամասերուն մէջ: Ըստ «Լիբանանի Կարմիր Խաչ»ին տասնեակ վիրաւորներ փոխադրուած են հիւանդանոցները: ԼԿԽԿ-ի մէկ բանբերը յայտնած է, որ մինչեւ այս պահը յայտնի չէ, որ վիրաւորները ինչ տիպի փամփուշտներով վիրաւորուած են:LBCI կայանի լրագրող Ֆութուն Րահըտ իր ֆէյսպուքեան էջին վրայ տեսանիւթ մը տեղադրած է, ուր կ'երեւի ապահովական ուժերուն կողմէ ծանրօրէն վիրաւորուած երիտասարդի մը հիւանդանոց փոխադրուիլը: Ցուցարարները այս պահուն ստիպուած եղած են հեռանալ Րիատ Սոլհ շրջանէն: Բախումներ կը գրանցուին նաեւ Րինկ կամուրջին վրայ: