1.09c
Երեվան
երկ, դկտ 23
Սուրիոյ բանակի հայազգի զինուոր Դրօ Մըղամէզ ազատութեան մէջ է: Այս մասին «Արեւելք» տեղեկութիւն ստացաւ վերջինիս հարազատներէն:
6 տարի առաջ Սուրիոյ բանակին մէջ ծառայութեան սկսած Դրօ վերջին երեք տարիներուն սուրիացի հարիւրաւոր զինուորներու հետ պաշարման տակ կը մնար Տէր Զօրի բանակային զօրանոցի մը մէջ:
Սուրիոյ բանակը երէկ յաջողած էր ճեղքել «Տահէշ» ահաբեկչական խմբաւորման պաշարման օղակը եւ ազատել հարիւրաւոր սուրիացի զինուորներ:
Դրօ Մըղամէզի մայրը Տիկին Մարի Մուղամէզ Արթին աւելի վաղ «Արեւելք»ի դիմատետրի էջին գրած էր իր որդւոյն մասին յայտնելով, որ ան 6 տարիէի ի վեր կը ծառայէ Սուրիոյ բանակին մէջ եւ վերջին շրջանին Տէր Զօրի մէջ տիրող իրավիճակին պատճառով Դրոյի մասին ոչ մէկ տեղեկութիւն կը ստանար:
Տէր Զօրի մէջ կան նաեւ այլ հայազգի զինուորներ, որոնց ճակատագրին մասին ցարդ տեղեկութիւն չի փոխանցուիր:
