14.31c
Երեվան
չրք, մյս 14
Ուրբաթ 7 Փետրուար, 2025-ին, ԱՄՄ-ի Ալեք Մանուկեան Սրահին մէջ տեղի ունեցաւ Արագ ճատրակի երկրորդ մրցաշարը, ԱՄՄ-ի կազմակերպութեամբ եւ Յորդանանի Թագաւորական Ճատրակի Ֆետերասիոնի հովանաւորութեամբ։
Մրցաշարի մասնակիցներու թիւը 124 էր, որոնց մէջ կային 7 Յորդանանահայ մասնակիցներ։ Մասնակիցներուն մաս կազմեցին խաղացողներ Յորդանանի զանազան քաղաքներէն, Աքապայէն «7 մասնակից Յորդանանի Ճատրակի Ակադեմիայէն», Իրպիտ, Սալթ, Մատապա, Ֆհէյս «Օրթոտոքս ակումբէն», մայրաքաղաք Ամմանէն, կային Իրաքցի, Անգլիացի, Հնդիկ, եւ Պաղեստինցի, ինչպէս նաեւ մասնակիցներուն մէջ կային մեծ թիւով Ճատրակի մեծ աստիճաններու հասած եւ տարբեր բարձր կոչումներ ստացած խաղացողներ (FIDE Candidate Master (CM), Arena FIDE Master (AFM), International Master (IM), Woman FIDE Master (WFM), Arena Candidate Master (ACM)) https://en.wikipedia.org/wiki/FIDE_titles։
Մրցաշարն անցկացուեցաւ Զուիցերիական մրցակարգով, 7 շրջանով՝ համաձայն Ճատրակի միջազգային ֆետերացիայի կանոնակարգի, կառավարուած 6 միջազգային իրաւարարներով։
Հայ մասնակիցներն էին՝
Կարէն Լեփէճեան, Վարդան Ներսէսեան, Ալէքս Շուքուրեան, Անթոնի Քոճոյեան, Շիրազ Սարգիսեան, Լուսի Լեփէճեան եւ Ներսէս Ներսէսեանը։
https://chess-results.com/tnr1112081.aspx?lan=1&art=1&rd=7
ԱՄՄ-ի սկաուտներու եւ Վարուժ Օհանեանի ներդրումը այս մրցաշարին մեծ դեր ունեցաւ փայլուն յաջողութեան։
🔵 ԱՄՄ ակումբը մասնակցած է ակումբներու տարեկան մրցաշարերուն իր ճատրակի խումբով, 1974 թիւէն սկսեալ եւ առանց դադարի։
Վերջին երեք տարիներուն, Վարչութեան նպատակներուն մէջ հիմնական տեղ կը զբաղեցներ Ճատրակի մթնոլորտը ներդրել նոր սերունդին մէջ ներշնչելով սերը Հայ ազգին շատ հարազատ այս մտային-մարզական խաղին, ակումբի մէջ տարբեր առիթներ ստեղծելով։
Նոյն այս երեք տարիներուն, ճատրակը մաս կազմեց ակումբէն ներս՝
1. Շարունակելով ԱՄՄ-ի մասնակցութիւնը ակումբներու մրցաշարերուն
2. Կազմակերպելով Առաջին Արագ ճատրակի մրցաշարը, ԱՄՄ-ի կազմակերպութեամբ եւ Յորդանանի Թագաւորական Ճատրակի Ֆետերացիայի հովանաւորութեամբ (196 խաղացողի մասնակցութեամբ (2 Յորդանանահայ մասնակիցներով))
3. Ճատրակի երեկոներ անցկացնելով, Յորդանանի FIDE Candidate Master (CM)-ի ներկայութեամբ
4. Մեծ տեղ տալով Ճատրակին, ամառնային խաղի երեկոներու ընթացքին
5. Յորդանանի թագաւորական Ճատրակի ֆետերացիայի մեր խումբի գրանցած յաղթանակներով ակումբը երկրորդ խումբերու մակարդակէն անցաւ առաջին մակարդակի ակումբներուն։ Առաջնութեան մասնակիցներն էին՝ Վարուժ Օհանեան, Սեւան Գրիգորեան, Մամուն Համտան եւ Մահէր Պարղութի:
ԱՄՄ-ի կողմէ ճատրակի մարզիկ Սեւան Գրիգորեանը նուաճեց լաւագոյն խաղացողի կոչումը։
6. Առաջին անգամը ըլլալով, ԱՄՄ-էն թեկնածու առաջադրուեցաւ Յորդանանի Թագաւորական Ճատրակի ֆետերացիայի տնօրէններու խորհուրդի ընտրութիւններուն։ Թեկնածուն՝ Մարալ Ներսէսեանը, ընտրութիւններուն նախագահեց՝ Անդրանիկ Լեփէճեանը։
7. Յորդանանի Թագաւորական Ճատրակի ֆետերացիայի, Յորդանանի ակումբներու հաւաքականի ընտրութիւններուն, Մարալ Ներսէսեանը հաւանութիւն ստացած է ներկայացնելու ԱՄՄ-ը։
8. ԱՄՄ-էն 3 անդամներ (Անթոնի Քոճոյեան, Լուսի Լեփէճեան եւ Շիրազ Սարգիսեան) մասնակցեցան Ճատրակի Համահայկական 4-րդ առցանց ճամբար-մրցաշարին (PACT-4) կազմակերպուած ՀԲԸՄ Հայկական Առցանց Համալսարանի եւ Հայաստանի Ճատրակի Ֆետերացիայի կողմէ։
9. Կազմակերպելով Երկրորդ Արագ ճատրակի մրցաշարը, ԱՄՄ-ի կազմակերպութեամբ եւ Յորդանանի Թագաւորական Ճատրակի Ֆետերացիայի հովանաւորութեամբ (124 խաղացողի մասնակցութեամբ (7 3որդանանահայ մասնակիցներով))։
