14.09c
Երեվան
երկ, սպտ 23
Հոկտեմբերի 23-ին Եւրոպայի հնագույն գրադարաններից մեկը` Օքսֆորդի համալսարանի Բոդլեյան գրադարանը պատրաստվում է պատմության մեջ առաջին անգամ ցուցադրության հանել հայկական հազվագյուտ ձեռագրերի եւ տպագիր գրականության իր հավաքածուն` 100-ից ավելի ցուցանմուշներ:
«Հայաստան. հարակայուն մշակույթի ձեռագրերը» խորագիրը կրող ցուցահանդեսը նվիրված է լինելու հայ ժողովրդի 2500-ամյա պատմությանը եւ մշակույթին:
Հայաստանի Մեսրոպ Մաշտոցի անվան հին ձեռագրերի գիտահետազոտական ինստիտուտը նշված ցուցահանդեսին մասնակցելու է երեք բացառիկ ձեռագրերով: Մատենադարանի Ձեռագրատան գլխավոր ավանդապահ Գեւորգ Տեր-Վարդանյանն «Արեւելք»-ին հայտնեց, որ Հայաստանից ցուցահանդեսին տարվելու են երկու հնագույն Աստվածաշունչ եւ մեկ Ավետարան: Նա կարեւորեց աշխարհի հնագույն կենտրոններից մեկում հայկական բացառիկ ցուցանմուշների ցուցադրությունը, նշելով, որ բացառիկ է լինելու նաեւ Բոդլերյան գրադարանի հայկական ցուցադրությունը: Բոդլերյան գրադարանում հայերեն ամենահին ձեռագիրը թվագրվում է 1635 թվականին:
