ԱՄՆ նախագահ, կաթոլիկ Ճօ Պայտընը կը շարունակէ կողմ հանդէս գալ միասեռ ամուսնութիւններուն՝ անկախ այն հանգամանքէն, որ Վատիկանը հրաժարած է օրհնել նման ամուսնութիւնները: «ԹԱՍՍ» գործակալութեան փոխանցմամբ՝ այս մասին յայտնած է Սպիտակ տան մամուլի քարտուղար Ճէն Փսաքին:
Երկուշաբթի կայացած ճեպազրոյցի ժամանակ անոր խնդրած են մեկնաբանել երկրի ղեկավարի վերաբերմունքը Վատիկանի որոշման, ինչին ի պատասխան Փսաքին ըսած է. «Չեմ կարծեր, որ Պայտընէն որեւէ անձնական պատասխան կ'ըլլայ Վատիկանին: Ոչ: Ան կը շարունակէ աջակցիլ միասեռ կ'ապերուն»:
Աւելի վաղ կը հաղորդուէր, որ Վատիկանը յայտնած է, որ միասեռականներու միութիւնները չեն կրնար օրհնուիլ քահանաներու եւ Կաթոլիկ եկեղեցւոյ միւս սպասաւորներու կողմէ: Յայտարարութիւնը հնչած է ի պատասխան որոշ երկրներու փորձի, ինչպէս օրինակ՝ Միացեալ Նահանգներու ու Գերմանիոյ, ուր միասեռ միութիւնները գրանցուելու փոխարէն կ'օրհնուին եկեղեցւոյ ներկայացուցիչներու կողմէ:
Միացիր մեզ Տելեգրամում
Միացիր մեզ Յութուբում
Կիսուիլ
