12.09c
Երեվան
հնգ, մրտ 19
Հայաստանի եւ Ատրպէյճանի միջեւ խաղաղութեան վերջնական համաձայնագրի կնքման ճանապարհին դեռ կան խոչընդոտներ, արձանագրած է Միացեալ Նահանգներու հետախուզական ծառայութիւնը: Սպառնալիքներու գնահատման՝ այսօր հրապարակուած տարեկան զեկոյցին մէջ կառոյցն օրինակ բերած է Հայաստանի սահմանադրութիւնը փոխելու Ատրպէյճանի պահանջը
«Նախագահ Ալիեւը կը շարունակէ պնդել, որ Հայաստանը պէտք է փոխէ Սահմանադրութիւնը՝ հեռացնելով յղումը, որ, անոր խօսքով, կ՚ենթադրէ, թէ Լեռնային Ղարաբաղը Հայաստանի մաս է։ Այդ կը պահանջէ սահմանադրական հանրաքուէ Հայաստանի մէջ, որու ընդունումը երաշխաւորուած չէ», - գրած է ամերիկեան հետախուզական ծառայութիւնը:
Միաժամանակ տարեկան զեկոյցը արձանագրած է, որ օգոստոսին Ուաշինկթընի հովանաւորութեամբ Սպիտակ տան մէջ կայացած Խաղաղութեան գագաթնաժողովը Հայաստանի եւ Ատրպէյճանի համար ստեղծած է հնարաւորութիւն՝ հասնելու երկարատեւ խաղաղութեան համաձայնագրի եւ նպաստելու տարածաշրջանային կայունութեան աճին։
Աւելին՝ սկզբնաղբիւր կայքէն։
