17.09c
Երեվան
հնգ, հկտ 22
Լիբանանեան «Հըզպալլա»ի ընդհանուր քարտուղարի տեղակալ շէյխ Նայիմ Քասէմ յայտնած է, որ յառաջիկայ խորհրդարանական ընտրութիւններուն վերաբերեալ կուսակցութեան ձգտումը իր երեսփոխաններու քանակը շատցնելը չէ, այլ խորհրդարանական նիստերուն իր դաշնակիցներու ներկայացուցչութեան տոկոսը ընդարձակելը:
«Ռոյթըրզ»ին տուած հարցազրոյցին մէջ շիիթ ղեկավարը նաեւ նկատել տուած է, որ աննշան փոփոխութիւններ կը կանխատեսէ յաջորդ կառավարութեան ձեւաւորման մէջ, սակայն կանուխ կը համարէ յաջորդ վարչապետին անուան մասին խսիլը:
Ան նաեւ նշած է, որ «Այս ընտրութիւնները Լիբանանի քաղաքական ուժերուն մէջ մեծ փոփոխութիւն պիտի չառաջացնեն, միակ փոփոխութիւնը, որ պիտի ըլլայ կարգ մը ուժերու պատգամաւորներու թիւի նուազումը՝ ի շահ այլ խումբերու, սակայն այս փոփոխութիւնները արմատական ձեւով պիտի չազդեն կառավարութեան կառուցուածքին եւ նախարարներ ընտրելու կամ վստահութեան քուէ առնելու գործընթացներուն վրայ:
