19.09c
Երեվան
հնգ, հկտ 22
Կայուն երաշխիք չկայ, որ կազի սակագինը պիտի չբարձրանայ։ Այսօր լրագրողներու հետ ճեպազրոյցի ընթացքին յայտարարած է վարչապետ Նիկոլ Փաշինեան՝ աւելցնելով, որ վերջին ութ տարիներու ընթացքին կազի գինը բարձրացած է երկու անգամ։
«Գիտէ՞ք, որ նախկինում էլ է գազի գինը թանկացել, դուք տեղեակ չէք եղել: 2019 թուականին թանկացել է, յետոյ չեմ յիշում 23-ին, թէ 22-ին, ուղղակի ՀՀ կառավարութիւնը Հայաստանում աշխատող, արդիւնք ստեղծող, օրէնքով սահմանուած հարկերը վճարող քաղաքացիների շնորհիւ կարողացել է այնպէս անել, որ դա նկատելի չլինի Հայաստանի ժողովրդի համար», ըսած է Փաշինեան։
Նախօրէին հրապարակուած ԵԱՏՄ-ի զեկոյցին հեղինակները նշած էին, որ ԵԱՏՄ-ին Հայաստանի անդամակցութեան հնարաւոր դադրեցման պարագային, երկրին մէջ արտադրուած ապրանքներու արտածումը պիտի նուազի 30-50 տոկոսով, ներածումը՝ գրեթէ կիսով չափ, իսկ ԵԱՏՄ երկիրներուն հետ ապրանքաշրջանառութիւնը պիտի նուազի 55,6 տոկոսով։ Հայաստանի համախառն ներքին արդիւնքը (ՀՆԱ) պիտի նուազի 15,6 տոկոսով, իսկ կազի սակագինը Հայաստանի համար պիտի բարձրանայ 69 տոկոսով եւ այլն։
Հայաստանի տնտեսութեան նախարար Գէորգ Պապոյեան երէկ, կազի սակագինի բարձրացումը խիստ անցանկալի նկատելով, յայտնած էր, որ կազի գինի փոփոխութիւնը կրնայ Հայաստանի տնտեսութեան վրայ 5-7 տոկոս կամ աւելի ազդեցութիւն ունենալ։
