16.09c
Երեվան
ուրբ, հկտ 03
11 Սեպտեմբերին Հայաստանի Հանրապետութեան մէջ հաստատուեցաւ քարանթին, որ պիտի տեւէ մինչեւ 2021 թուականի 11 Յունուարը:
Ստորեւ կը ներկայացնենք նոր հաստատուած քարանթինի կարգ մը օրէնքները.-
Հայաստանի Հանրապետութեան ամբողջ տարածքով կը կիրառուին անհատական պաշտպանութեան միջոցներ՝ համաձայն լիազօր մարմնի կողմէ սահմանուած ցանկի, կիրառման դէպքերու եւ կարգի:
Տնտեսական գործունէութեան առանձին տեսակներու, ծառայութիւններու մատուցման եւ տնտեսական գործունէութեամբ չզբաղող կազմակերպութիւններու գործունէութեան իրականացումը կը թոյլատրուի միայն լիազօր մարմնի կողմէ սահմանուած համապատասխան առողջապահական համաճարակային անվտանգութեան կանոնները պահպանուած ըլլալու պարագային: Սոյն կանոնի պահպանման նկատմամբ կը սահմանուի վերահսկողութիւն՝ օրէնքով սահմանուած կարգով:
Բոլոր ուսումնական հաստատութիւններուն եւ արտադպրոցական դաստիարակութիւն իրականացնող կազմակերպութիւններուն մէջ ուսումնական գործընթացը կրնայ իրականացուիլ միայն լիազօր մարմնի կողմէ սահմանուած համապատասխան առողջապահական համաճարակային անվտանգութեան կանոնները պահպանուած ըլլալու պարագային:
Հաւաքներ կազմակերպել, կատարել եւ հաւաքներուն մասնակցիլը կը թոյլատրուի միայն անհատական պաշտպանութեան միջոցներու կիրառման եւ անձերու միջեւ նուազագոյնը 1.5 մեթր հեռաւորութեան պահպանման պարագային:
Բնակութեան վայրի բնակելի տարածքէն դուրս գտնուելու եւ տեղաշարժելու ատեն, անձը հաստատող փաստաթուղթի առկայութիւնը պարտադիր է:
