23.04c
Երեվան
չրք, հնս 24
Լիբանանեան «Հըզպալլա»ի ընդհանուր քարտուղար Սայիտ Հասան Նասրալլա 21 մարտին յայտարարած է, որ Լիբանան յայտնուած է տնտեսական բաւական բարդ դրութեան մը մէջ եւ եթէ երկիրը այս ընթացքով շարունակէ ապա կրնայ մեծ աղէտի մը առջեւ կանգնիլ:
Նասրալլա յայտարարած է. «Մենք նիւթական, տնետեսական եւ ընկերային մակարդակով վտանգաւոր փուլի մը մէջ կը գտնուինք, եւ այդ վտանգը կը սպառնայ պետութեան գոյութեան, երկրի գոյութեան, անվտանգութեան ու կայունութեան»,-աւելցնելով, որ եթէ մսխումները շարունակուին, ապա աւելի լուրջ հարցերու առջեւ պիտի կանգնի Լիբանանը:
Նասրալլա նաեւ շեշտած է, որ մսխումի եւ փտածութեան դէմ պայքարը ազգային առաջնահերթութիւն է: «Իւրաքանչիւր նախարարութիւն կամ պատասխանատու մարմին ներքին իմաստով պէտք է մասնակից դառնայ այդ պայքարին», եզրակացուցած է շիիթ առաջնորդը:
