25.26c
Երեվան
երք, հնս 23
Եւրոպան պատուհասած աննախադէպ տաքին հետեւանքով Ֆրանսայի մէջ արդէն արձանագրուած է 18 մահուան դէպք, որոնց շարքին՝ երկու երեխայ, որոնք մահացած են շոգէն չափազանց տաքցած ինքնաշարժի մէջ։
Ֆրանսայի շարք մը քաղաքներու մէջ ջերմաստիճանը անցած է 41 աստիճանը՝ արձանագրելով պատմական նոր բարձր ցուցանիշեր։
Ինչպէս կը հաղորդէ «Reuters»-ը, օդերեւութաբանները նշած են, որ այս երեւոյթը պայմանաւորուած է Սահարայէն եկող տաք օդային զանգուածներով եւ կլիմայական փոփոխութիւններով։
Իրավիճակը լարուած է նաեւ Բրիտանիոյ եւ Իտալիոյ մէջ, ուր ջերմաստիճանը կը մօտենայ պատմական առաւելագոյն մակարդակներուն։
Իտալիոյ 12 քաղաքներու մէջ յայտարարուած է ահազանգի կարմիր աստիճան, իսկ ուժանիւթի համակարգերը գերծանրաբեռնուածութեան պատճառով հոսանքազրկումներ կ՚արձանագրեն։
«Reuters Climate Monitor»-ի տուեալներով՝ Եւրոպան ներկայիս մոլորակի այն տարածաշրջանն է, որ ամենէնշատը շեղած է իր պատմական կլիմայական բնականոն ցուցանիշերէն։
