30.74c
Երեվան
ուրբ, հնս 19
Վերջին օրերուն լիբանանցիները ականատես դարձած են նոր երեւոյթի մը, որ բաւական մեծ հարցումներու տուն սկսած է տալ։
Ինչպէս «Արեւելք» աւելի վաղ գրած էր, որ Լիբանանի տնտեսական ոլորտին մէջ ժխտական երեւոյթներ սկսած են տեղ գտնել, որոնք կրնան լուրջ վնաս բերել երկրի ընդհանուր պատկերին։
Խօսքը օտար արժեդրոյթի եւ մասնաւորապէս ամն տոլարի Լիբանանի ելեւմտական շուկայէն բացակայելուն ու նոյնիսկ բարձր գիներով տոլար գնելու անհանարինութեան մասին է, որուն հետեւանքով ալ պէնզինի եւ հեռախօսային ոլորտի լիցքաւորման քարտերու ոլորտին մի քանի առիթներով գործադուլի դիմեցին, իրենց առած քայլը բացատրելով, որպէս կանխազգուշացում։
Այս բոլորէն զատ լիբանանցիք, երէկ ականտես եղան նոր երեւոյթի մը, երբ քաղաքացիներ նկատեցին, որ դրամտնային ATM սարքերէն անհնար է ամերիկեան տոլար ստանալ։
Խօսքը անշուշտ կը վերաբերի անհատական գումարներու եւ պահուստի մասին է, որ ըստ պետական օրէնքի ցանկացած ոք կրնայ իր ունեցած գումարները վերածել որեւէ այլ օտար արժեդրոյթի ՝ այս պարագային ամն տոլարի եւ այդ գումարները ստանալ ATM համակարգերէն։
Առհասարակ Լիբանանի մէջ ամերիկեան տոլարի անգտանելիութիւնը սկսած է մտահոգիչ դառնալ ու այդ առումով ալ քաղաքացիկան հասարակութիւնը նպատակ ունի յառաջիկայ օրերուն իր բողոքի ձայնը բարձրացնել։
Տնտեսական ոլորտի մասնագէտներ խոր մտահոգութիւն յայտնած են եղածին վերաբերեալ ու նաեւ հաստատած, որ այս երեւոյթը կը խօսի Լիբանանի ելեւմտական ու դրամտնային համակարգի խոցելիութեան ու վտանգուած ըլլալուն մասին։
