19.09c
Երեվան
երկ, հկտ 19
Անցնող 13 տարիներու ընթացքին, կը գրէ «Huffington Post» լրատուական կայքի յօդուածագիրը, Պաղեստինի նախկին նախագահ Եասէր Արաֆաթի մահուան հանգամանքներու շուրջ քննութիւն իրականացնող յանձնաժողովը մէկէ աւելի անգամ յայտարարած է, որ բացայայտած է Արաֆաթը սպաննող անձերը, առանց սակայն անոնց ինքնութեան ու որ կողմին պատկանելուն մասին մանրամասներ յայտնելու:
Բացի անկէ, 2012 թուականին «Ալ Ճազիրա» նոյնպէս քննութիւն իրականացնելով հասած էր այն եզրակագութեան, որ Արաֆաթի մահը թունաւորման արդիւնք էր:
«Ալ Ճազիրա»ի կատարած բացայայտման յաջորդեց ֆրանսացի խումբ մը մասնագէտներու կողմէ Արաֆաթի աճիւններու դուրս բերումն ու քննութեան ենթարկումը, սակայն այդ արդիւնքները նոյնպէս գաղտնի մնացին:
Արաֆաթի մահուան հանգամանքներուն մասին ամենահետաքրքրական յայտարարութիւններէն մէկն էր
Պաղեստինի նախագահ Մահմուտ Ապպասի տարի մը առաջ կատարած յայտարարութիւնը, երբ ըսաւ, որ ինք գիտէ, թէ ով սպանած է Արաֆաթը, սակայն կ'ուզէ սպասել քննութիւն իրականացնող մարմինի արդիւնքներուն, որոնք սակայն մինչեւ օրս չհրապարակուեցան:
Արծարծելով վերոնշեալ թեմաները, յօդուածագիրը հարց կը բարձրացնէ, թէ ի՞նչն է, որ կ'արգիլէ «Ֆաթըհ»ին բարձրաձայնել իր հիմնադիրն սպաննողի անունը, մանաւանդ, եթէ կը համարեն, թէ Իսրայէլի միջամտութեամբ կատարուած է այդ սպանութիւնը:
