22.09c
Երեվան
շբթ, մյս 09
Մելպըռնի համալսարանի օդերեւութաբանները կանխատեսած են, որ ընդհանուր միջին ջերմաստիճանի երկու նիշով բարձրացումը երկրագունդի շատ տարածաշրջաններու մէջ պիտի յանգեցնէ արտակարգ տաքի զգալի սաստկացման, կը յայտնէ Lenta-ն՝ յղում կատարելով Science Alert-ին։
Հետազօտողները ձեւակերպած են երկու սենար՝ առաջինին մէջ տեղի կ'ունենան աշխոյժ արտանետումներ եւ միջին ջերմաստիճանի արագ աճ, երկրորդին մէջ փոփոխութիւնները դանդաղ կ'ընթանան։ Երկու սենարներուն մէջ ալ միջին ջերմստիճանը կը բարձրանայ 1,5-2 աստիճանով՝ ըստ Սելսիուսի։ Կը պարզուի, որ առաջին իրավիճակին մէջ հետեւանքները աղէտալի կ'ըլլան, քանի որ Երկրի շատ տարածաշրջաններու մէջ միջին ջերմաստիճանը կրնայ 1,5-2 աստիճանէն շատ աւելի աճիլ։
