28 յունիսին ՀՀ սփիւռքի նախարար Հրանուշ Յակոբեան ընդունած է քուէթաբնակ հալէպահայ գործարար, գրող, հրապարակախօս Կիրակոս Գույումճեանը:
Նախարարը կարեւորած է անոր հայանպաստ, ազգասիրական գործունէութիւնը համայնքի եւ Հայրենիքի մէջ, մասնաւորապէս, անդրադառնալով յայտնի գործարարի բարեգործական ծրագիրներուն եւ հրապարակախօսական աշխոյժ գործունէութեան:
Քննարկուած են Սփիւռքի մէջ հայկական ինքնութեան պահպանման, երիտասարդներու հայեցի կրթութեան անհրաժեշտութեան վերաբերող հարցեր, անդրադարձ կատարուած է սփիւռքի նախարարութեան հետ գործակցութեան աշխուժացման:
Կիրակոս Գույումճեանը նախարարին նուիրած է իր «100 տարի ցեղասպանութենէն վերականգնում», «Կայաններ եւ դիրքորոշումներ» գիրքերը եւ հրապարակախօսական շարք մը յօդուածներ, որ տպագրուած են հայերէն եւ արաբերէն լեզուներով:
Կիրակոսեան շնորհակալութիւն յայտնած է զրոյցի համար, եւ նշած, որ նախարարութիւնը բաւականին աշխոյժ կ'աշխատի սփիւռքի համախմբման, հայրենասիրական ոգին բարձր պահելու ուղղութեամբ. «Սփիւռքի նախարարութիւնը ինծի համար մօտ ու հարազատ կառոյց է, եւ Ձեր աշխատանքը շատ կարեւոր է: Իմ պարտականութիւնս է ամէն ինչ ընել ազգիս ու Հայրենիքիս համար»,- աւելցուցած է ան:
Աղբիւր՝ «Հայերն Այսօր»
