23.04c
Երեվան
չրք, հնս 24
Հրթիռներ ինկած են Դամասկոսի «Ալ-ֆայհաա» մարզական համալիրի վրայ: Այս մասին լուրը հաստատած է Դամասկոսի ոստիկանութեան հրամանատարութեան աղբիւրը:
«ՍԱՆԱ» լրատուական գործակալութեան փոխանցած տեղեկութիւններով, սուրիական «Ալ-Ճայշ» ֆութպոլի ակումբի նախագահ Ժեներալ Մուհսէն Ապպաս յայտնած է, որ հրթիռը արձակուած է Արեւելեան Ղութայի մէջ գտնուող զինեալ ահաբեկիչներու կողմէ, որոնք թիրախաւորած էին «Ալ-ֆայհաա»ի մարզադաշտը, ուր այդ պահուն կը մարզուէին պատանիներու խումբը, որու անդամներու տարիքը 15-էն վար է:
Ապպաս նաեւ ըսած է, որ հրթիռի պատճառով զոհուած է Սամիր Մուհամմատ Մասհուտը, անդամահատուած է դարպասապահի ոտքը եւ 6 այլ խաղացողներ ծանր վնասուածքներ ստացած են, որոնք տեղափոխուած են պետական հիւանդանոց:
