26.09c
Երեվան
կրկ, սպտ 20
Ուքրանիոյ նախագահ Վլատիմիր Զելենսքին, Ուքրանիոյ զինուած ուժերու գլխաւոր հրամանատար Միխայիլ Տրափաթիի եւ պաշտպանութեան նախարար Եւգենի Խմարայի հետ հանդիպումէն ետք յայտնած է, որ համաձայնեցուցած է Ռուսիոյ դէմ նոր հեռահար գործողութիւններ՝ ի պատասխան ռուսական հարուածներուն։
«Մենք կը պատրաստենք մեր հեռահար կարողութիւններու ընդլայնումը», նշած է Զելենսքին։
Ան նաեւ տեղեկացուցած է որոշումներու նախապատրաստման մասին, որոնք պէտք է թարմացնեն Ուքրանիոյ զինուած ուժերու կառավարման մօտեցումները եւ բժշկական ուժերու հրամանատարութեան մէջ մարտահրաւէրներուն արձագանգելու համակարգը։
Հանդիպման ընթացքին քննարկուած են նաեւ կանոնակարգային դաշտի թարմացումը եւ Ուքրանիոյ պաշտպանութեան ուժերուն մէջ ծառայելու համար օտարերկրեայ կամաւորներ ներգրաւելու հնարաւորութիւնը։
