17.09c
Երեվան
հնգ, ապր 23
Եռակողմ աշխատանքային խումբի շրջանակներուն մէջ կը քննարկուի տարածաշրջանին մէջ երկաթուղային եւ մայրուղիի հաղորդակցութեան գործարկումը` ի շահ Երեւանի, Պաքուի եւ անոնց հարեւաններուն:
Ռուսիոյ, Հայաստանի եւ Ատրպէյճանի փոխվարչապետներու համանախագահութեամբ Հարաւային Կովկասի մէջ տնտեսական եւ ճանապարհային բոլոր կապերու ապաշրջափակման ուղղութեամբ աշխատանքը եռակողմ խումբի շրջանակներուն մէջ կը շարունակուի: Այս մասին յայտարարած է Ռուսիոյ Արտաքին գործոց նախարարութեան տեղեկատուութեան եւ մամուլի վարչութեան փոխտնօրէն Ալեքսէյ Զայցեւը:
«Յունիս 3-ին Մոսկուայի մէջ կայացած եռակողմ աշխատանքային խումբի հանդիպման, ինչպէս նաեւ Սան Փեթերպուրկի միջազգային ֆորումի շրջանակին մէջ համանախագահներու շփումներու արդիւնքներով` որոշակի յառաջընթաց գրանցուեցաւ, յաջողեցան մօտեցնել Երեւանի եւ Պաքուի դիրքորոշումները ճանապարհային հաղորդակցութիւններու վերականգնման տարբեր երեասկներու շուրջ: Ինչպէս յայտնի է, եռակողմ աշխատանքային խումբի շրջանակներուն մէջ կը քննարկուի տարածաշրջանին մէջ երկաթուղային եւ մայրուղիի հաղորդակցութեան գործարկումը` ի շահ Երեւանի, Պաքուի եւ անոնց հարեւաններուն: Իրենց աշխատանքի արդիւնքներուն մասին համանախագահները առանձին պիտի տեղեկացնեն լրատուամիջոցներուն, երբ ձեռք բերուին յստակ պայմանաւորուածութիւններ», ըսած է ան:
