35.09c
Երեվան
երք, հլս 15
5-14 յուլիսին, Արաբական Միացիալ Էմիրութիւններու Տուպայ քաղաքին մէջ տեղի ունեցած Քիմիագիտութեան 57-րդ միջազգային մրցանքին Հայաստանի խումբը արժանացած է արծաթէ մետալի եւ երեք գովասանագիրներու: Այս մասին յայտնած է Կրթութեան, գիտութեան, մշակոյթի եւ մարզանքի նախարարութիւնը:
Արծաթէ մետալին արժանացած է Վանաձորի մաթեմատիկական եւ բնագիտական առարկաներու խորացուած ուսուցմամբ յատուկ դպրոցի 12-րդ դասարանի աշակերտ Արման Խառատեան, իսկ գովասանագիրներու՝ «Քվանտ» վարժարանի 12-րդ դասարանի աշակերտ Դաւիթ Ղազարեան, Գիւմրիի «Ֆոտոն» վարժարանի 12-րդ դասարանի աշակերտ Սեւադա Յարութիւնեան եւ Վանաձորի մաթեմատիկական եւ բնագիտական առարկաներու խորացուած ուսուցմամբ յատուկ դպրոցի 11-րդ դասարանի աշակերտ Միքայէլ Ալեքսանեան։ Մրցանքը կայացած է գործնական եւ տեսական փուլերով։
Քիմիագիտութեան մրցանքի խումբը ղեկավարած են Անդրանիկ Դավինեան (Օրկանական եւ դեղագործական քիմիայի գիտատեխնոլոգիական կեդրոնի գիտաշխատող) եւ Արտիոմ Պետրոսեան (Երեւանի պետական համալսարանի քիմիայի ճիւղի ուսանող)։
Մրցանքին մասնակցած է 90 երկրէ 355 աշակերտ: Իւրաքանչիւր երկիր կրնար ներկայացնել առաւելագոյնը 4 մասնակից:
Յիշեցնենք, որ Քիմիագիտութեան 56-րդ միջազգային մրցանքին Հայաստանի խումբը արժանացած էր 4 պրոնզէ մետալի։
