11.09c
Երեվան
հնգ, փտր 19
Կեդրոնական ընտրական յանձնաժողովը հրապարակած է ՀՀ-ի մէջ աւելի մեծ թիւով մշտական բնակութիւն ունեցող չորս ազգային փոքրամասնութիւններու տուեալները, ըստ ՀՀ Վիճակագրական կոմիտէի: Այս մասին կը տեղեկանանք Կեդրոնական ընտրական յանձնաժողովի տարածած հաղորդագրութենէն:
«ՀՀ-ում առաւել մեծ թիւով մշտական բնակութիւն ունեցող առաջին չորս ազգային փոքրամասնութիւններն են, ըստ 2022 թուականին իրականացուած մարդահամարի տուեալների՝
Եզդի 31 հազար 79
Ռուս 14 հազար 76
Ասորի 2 հազար 755
Քուրդ 1 հազար 663
Ընտրական օրէնսգիրք սահմանադրական օրէնքի համաձայն, կուսակցութեան/դաշինքի ընտրական ցուցակը կարող է ունենալ երկրորդ մաս, որտեղ կարող են ընդգրկուել ընտրութիւններին նախորդող վերջին մարդահամարի տուեալներով առաւել մեծ թիւով մշտական բնակչութիւն ունեցող առաջին չորս ազգային փոքրամասնութիւնների ներկայացուցիչներ: Ընտրական ցուցակի երկրորդ մասն ունի 4 բաժին, իւրաքանչիւր բաժնում համապատասխան ազգային փոքրամասնութիւնից կարող է ընդգրկուել մինչեւ 4 ներկայացուցիչ: Որեւէ բաժնում ազգային փոքրամասնութեան ներկայացուցիչ չընդգրկելու դէպքում համապատասխան բաժինը չի լրացւում:
Ընտրական ցուցակի երկրորդ մասում ընդգրկուած ազգային փոքրամասնութեան ներկայացուցիչ պատգամաւորի թեկնածուն կարող է ընդգրկուել նաեւ ընտրական ցուցակի առաջին մասում»:
