7.09c
Երեվան
հնգ, փտր 19
Օրերս Դամասկոսի Հայ Կաթողիկէ Առաջնորդ Արհի. Տ. Գէորգ եպս. Ասատուրեան Առաջնորդարանէն ներս ընդունած է Ֆրանսացի ծերակուտական Օլիվիէ Քատիքին, որ պատուիրակութեան մը գլխուն այցելութիւն կու տար՝ Սուրիա։
Ստորեւ «Արեւելք»ի ընթերցողներուն կը ներկայացնենք այցելութեան մասին տրուած հաղորդագրութիւնը՝
Դամասկոսի Թեմի Առաջնորդ Գերյ. Հ. Գէորգ եպս. Ասատուրեան, իր հետ ունենալով Գերպ. Հ. Ժորժ ծ.վրդ. Պահէն ընդունած է ֆրանսացի ծերակուտական Օլիվիէ Քատիքին։
Մեծարգոյ հիւրին ընկերակցած է Սուրիոյ մէջ Ֆրանսայի դեսպանատան գործակատար Ժան-Բաթիստը, խորհրդատու տիկին Նատիա Շայիան եւ «Օգնութիւն Արեւելքի Քրիստոնեաներուն» կազմակերպութեան ներկայացուցիչ Վանսան Ժիլոն։
Պատուիրակութեան անդամները Առաջնորդ Գերապայծառին հետ քննարկած են Սուրիոյ մէջ տիրող ընդհանուր դրութիւնն ու նաեւ Քրիստոնէական համայնքներու խնդիրներն ու կարիքները։
