12.09c
Երեվան
հնգ, փտր 26
Ատրպէյճանի եւ Թուրքիոյ պաշտպանութեան նախարարներ Զաքիր Հասանովը եւ Հուլուսի Աքարը հետեւած են 2 երկիրներու բանակներու ինքնաշխատացուած կառավարման համակարգերու համատեղ աշխատանքին: Այս մասին կը տեղեկացնէ «Ինթըրֆաքս» գործակալութեան ատրպէյճանական ծառայութիւնը:
Նախարարին զեկուցուած է, որ զօրավարժութիւններու ընթացքին յաջողութեամբ կ'իրականացուին կապի միասնական համակարգի կազմակերպման խնդիրները:
Այնուհետեւ զօրավարժութիւններու ընթացքին տեղակայուած հրամանատարական կէտին վրայ տեղի ունեցած է Զաքիր Հասանովի եւ Թուրքիոյ ազգային պաշտպանութեան նախարար Հուլուսի Աքարի ուղիղ տեսակապի միջոցով հանդիպումը: «Տեսակապի ընթացքին նախարարները կարեւորած են կապի զօրքերու փոխազդեցութեան բարելաւումը, կապի միասնական համակարգերու կազմակերպումը եւ զօրքերու միջեւ ինքնաշխատացուած կառավաումը, ինչպէս նաեւ այս ոլորտին մէջ համատեղ գործողութիւններու շարունակումը: Պաշտպանութեան նախարարները բարձր գնահատած են նաեւ ատրպէյճանական եւ թրքական բանակներու բոլոր տեսակի զօրքերու փոխգործակցութեան բարելաւումը, համատեղ ծրագիրներու մշակումը, ստորաբաժանումներու միջեւ մարտական փոխազդեցութեան աճը եւ այլ գործողութիւններ», -ըսուած է տեղեկատուութեան մէջ:
Թուրքիոյ եւ Ատրպէյճանի կապի զօրքերու համատեղ զօրավարժութիւնները սկսած են 6 ապրիլին եւ պիտի աւարտին 8 ապրիլին:
