-2.91c
Երեվան
երկ, դկտ 23
Ամերիկացի քոնկրեսական Ֆրենք Փալոնը, ոը Պաքուի մէջ կը մասնակցէր ՄԱԿ-ի կլիմայի փոփոխութեան COP-29 գագաթնաժողովին, անդրադարձած է իր դէմ եղած բողոքի ցոյցերուն: Ան յայտարարած է, որ պիտի շարունակէ պայքարիլ ՀՀ տարածքային ամբողջականութեան եւ հայ գերիներու ազատ արձակման համար՝ հակառակ Պաքուի ճնշումներուն։
«Հակառակ Ալիեւի կազմակերպած կոշտ բողոքի ցոյցերուն՝ խոչընդոտելու իմ մասնակցութիւնը COP29-ին, ես պիտի շարունակեմ պայքարիլ Հայաստանի տարածքային ինքնիշխանութեան, հայ գերիներու ազատ արձակման եւ խաղաղութեան համաձայնագրի համար, որ խաղաղութիւն պիտի բերէ տարածաշրջանին»,- X-ի էջին գրած է Փալոնը։
Նշուած է, որ բողոքի ցոյցերու մասնակիցները հետապնդած են Փալոնը թէ՛ գագաթնաժողովի ընթացքին, թէ՛ հիւրանոցին մէջ: Քոնկրեսականը խուսափած է ֆիզիքական վնասներէ միայն ԱՄՆ արտաքին գործոց նախարարութեան միջամտութեան շնորհիւ։
Ատրպէյճանի նախագահ Իլհամ Ալիեւը արգիլած է Փալոնին մասնակցիլ իր եւ ԱՄՆ Քոնկրեսի անդամներու հանդիպման: Չնայած Փալոնը հանդիպում խնդրած էր Ներկայացուցիչներու պալատի պատուիրակութեան անունով`անոր յատուկ ցուցակէն հեռացուցած են։
