9.09c
Երեվան
ուրբ, նմբ 13
Իրանի զինուած ուժերը հասած են ճարտարիգատական այնպիսի մակարդակի, որ թոյլ կու տայ արձակելու 2 թոն մարտագլխիկ կրող հրթիռներ 1500 քմ հեռաւորութեան վրայ։ Այս մասին յայտարարած է Իրանի Իսլամական յեղափոխութեան պահակագունդի հրամանատարի տեղակալ Մոսթաֆա Իզատին։
«Այսօր զինուած ուժերուն զսպման ներուժն այն մակարդակի վրայ է, որ մեր հրթիռային ստորաբաժանումներու հրամանատարները կրնան 2 թոն մարտագլխիկ կրող հրթիռներուն՝ մինչեւ 1500 քիլոմեթր տարածութեան վրայ արձակման հրաման տալ»,- անոր խօսքէն մեջբերած է IRNA գործակալութիւնը։
Իզատին աւելցուցած է, որ Իրանը պատրաստ է «արագ, արդիւնաւէտ եւ վճռական» պատասխան տալ երկրի անվտանգութեան ուղղուած ցանկացած սպառնալիքի։
Ան նաեւ հաւաստիացուցած է, որ ԱՄՆ-ի զօրքերը կը խուսափին մօտենալէ Իրանի ծովային սահմաններուն եւ անոնցմէ հարիւրաւոր քիլոմեթր հեռաւորութեան վրայ կանգնած են։
