32.09c
Երեվան
հնգ, հնս 26
Արցախի Հանրապետութեան պետական համապատասխան յանձնաժողովի որոշմամբ՝ 27 Սեպտեմբերն, ժամը 11:00-ին, հանրապետութեան ամբողջ տարածքին պիտի յայտարարուի մէկ րոպէ լռութիւն՝ ի յիշատակ 2020 թուականին Ատրպէյճանի կողմէ Արցախի դէմ սանձազերծուած 44-օրեայ պատերազմի զոհերուն:
Արցախի նախագահի աշխատակազմէն կը յայտնեն, որ նոյն օրը, ժամը 10:30-ին Հայ Առաքելական Եկեղեցւոյ Արցախի թեմի կողմէ՝ Արցախի Հանրապետութեան բոլոր գործող եկեղեցիներուն մէջ պիտի կատարուի հոգեհանգստեան արարողութիւն Հայրենիքի պաշտպանութեան համար նահատակուած հերոս զաւակներու հոգիներու խաղաղութեան համար։
