17.09c
Երեվան
հնգ, հլս 03
Պելճիքա պաշտօնական այցի շրջածիրէն ներս Ատրպէյճանի նախագահի օգնական Հիքմեթ Հաճիեւ մասնակցած է ՆԱԹՕ + Ատրպէյճան ձեւաչափով քաղաքական երկխօսութեան:
Ատրպէյճանական կողմի տուեալով՝ հանդիպման քննարկուած են Պաքուի եւ ՆԱԹՕ-ի միջեւ գործընկերութեան վիճակը եւ հեռանկարը, Եւրոպայի ուժանիւթային անվտանգութիւնը, Ատրպէյճանի մէջ կայանալիք COP29 համաժողովի նախապատրաստական աշխատանքը:
Օրակարգի վրայ եղած է նաեւ Հայաստան-Ատրպէյճան կարգաւորման եւ խաղաղութեան գործընթացի առաջմղման հարցը: Ըստ ատրպէյճանական կողմի հաղորդագրութեան՝ ՆԱԹՕ-ի անդամ երկիրներու ներկայացուցիչները ողջունած են կառոյցի առաքելութիւններուն Պաքուի մասնակցութիւնը եւ Ուքրանիոյ տրամադրուող աջակցութիւնը:
Հաճիեւ հանդիպած է նաեւ ԵՄ արտաքին գործողութիւններու եւրոպական ծառայութեան գլխաւոր քարտուղարի քաղաքական հարցերով տեղակալ Էնրիքէ Մորայի գլխաւորած պատուիրակութեան հետ։ Անդրադարձ եղած է տարածաշրջանային զարգացումներուն, Հայաստան-Ատրպէյճան յարաբերութիւններու կարգաւորման գործընթացին:
