32.44c
Երեվան
երկ, հլս 13
Փաքիստանի, Քաթարի եւ Եգիպտոսի ներկայացուցիչները շաբաթավերջին Միացեալ Նահանգներու եւ Իրանի հետ նոր միջնորդական բանակցութիւններ վարած են՝ երկու երկիրներու միջեւ լարուածութիւնը մեղմացնելու նպատակով։ Այս մասին կը հաղորդէ Associated Press գործակալութիւնը՝ յղում կատարելով իր աղբիւրներուն։
Մասնաւորապէս, Փաքիստանի արտաքին գործոց նախարար Իսհաք Տարը հեռաձայնած է Իրանի արտաքին գործոց նախարար Ապպաս Արաքչիին։ Ինչպէս կը նշէ գործակալութիւնը՝ միջնորդ երկիրները մտադիր են շարունակել իրենց ջանքերը՝ հակամարտող կողմերուն միջեւ լարուածութիւնը նուազեցնելու ուղղութեամբ։
Նախորդ օրերուն Միացեալ Նահանգներն ու Իրանը փոխադարձ հարուածներ հասցուցած էին։ Ամերիկեան կողմը թիրախաւորած էր իրանական շարք մը քաղաքներ, իսկ իրանական կողմը հարուածներ հասցուցած էր Մերձաւոր Արեւելքի մէջ գտնուող ամերիկեան կառոյցներու։
