0.09c
Երեվան
երկ, դկտ 23
ՀՄՄ-ի Պանծալի 100 ամեակին նուիրուած Հալէպի մասնաճիւղի սկաուտական բանակումը իր աւարտին հասած է 6 Սեպտեմբերին: «Արեւելք» այս մասին տեղեկութիւն ստացաւ ՀՄՄ-ի Հալէպի սկաուտական միաւորէն:
Հալէպի ՀՄՄ-ի վաշտը կատարած է իր տարեկան բանակումը նուիրուած ՀՄՄ-ի 100 ամեակին Քեսապի Գալատուրան գիւղի ՀՄՄ-ի սեփական բանակավայրին մէջ, 29 Օգոստոսէն մինչեւ 6 Սեպտեմբեր։
Բանակումի առօրեան ընդհանրապէս ընդգրկած է դաստիարակչական բաժին, արշաւներ եւ պտոյտներ:
Իսկ կիրակի՝ 5 Սեպտեմբերի երեկոյեան սկաուտական վաշտը աւանդական տողանցքով մը ելոյթ ունեցած է Քեսապի փողոցներուն մէջ, ներկայութեամբ բազմաթիւ ծնողներու եւ հիւրերու: Տողանցքին յաջորդած է խարուկահանդէսը, ուր սկաուտները վերահաստատած են իրենց հաւատարմութիւնը եւ նուիրուածութիւնը ողջ հայութեան եւ ներկայացուցած գեղարուեստական յայտագիր մը:
