22.09c
Երեվան
չրք, մյս 27
Ռուսիան կրնայ միակողմանիօրէն կասեցնել կամ չեղարկել Հայաստան կազի, նաւթամթերքի եւ չմշակուած ադամանդներու առանց մաքսատուրքի մատակարարման մասին համաձայնագիրը, եթէ Երեւանը շարունակէ Եւրոմիութեան հետ մերձեցման քաղաքականությունը։ Այս մասին, ըստ «Քոմերսանթ»-ի, նշուած է Ռուսիոյ ուժանիւթի նախարար Սերկէյ Ցիվիլեւի՝ Հայաստանի տարածքային կառավարման եւ ենթակառուցուածքներու նախարարութիւն ուղարկուած նամակին մէջ։
Ըստ աղբիւրի՝ Մոսկուայի մէջ կը կարծեն, որ Հայաստանի հետագայ շարժը դէպի ԵՄ վտանգի տակ է դնէ երկկողմ առեւտրատնտեսական եւ ներդրումային համագործակցութեան հիմքերը։
«Եւրոմիութեան հետ Հայաստանի փոխգործակցութիւնը խորացնելու ուղղութեամբ ձեռնարկուող քայլերը եւ ՀՀ կառավարութեան կողմէ ԵՄ-ին անդամակցելու յայտարարուած ձգտումը կը սպառնան ռուս-հայկական առեւտրատնտեսական եւ ներդրումային համագործակցութեան հիմնարար բարձր մակարդակի պահպանման եւ զարգացման, որու հիմքերէն մէկը երկկողմ միջազգային համաձայնագրերն են»,-նշուած է նամակին մէջ։
Ռուսիոյ ուժանիւթի նախարարութիւնը եւ ՀՀ տարածքային կառավարման եւ ենթակառուցուածքներու նախարարութիւնը հրաժարած են մեկնաբանութիւն տալէ «Քոմերսանթ»ին։ ՀՀ վարչապետի մամուլի քարտուղար Նազելի Բաղդասարեանը նոյնպէս չէ արձագանգած հրատարակութեան հարցման։
