-0.91c
Երեվան
երք, դկտ 30
Աշխարհի ախոյեանութեան 2022-ի խմբային փուլի վերջին փուլին Ճափոնի հաւաքականը կամային յաղթանակ տարաւ Սպանիոյ նկատմամբ։
Առաջին խաղակէսէն ետք սպանացիները առաջ անցած էին Մորաթայի կոլի շնորհիւ։ Սակայն երկրորդ խաղակէսին, արդէն աւանդոյթի համաձայն, Ճափոնի հաւաքականի մարզիչ Մորիյասուն կատարեց փոխարինումներ, որոնք փոխեցին այս հանդիպման արդիւնքը։
Նախ, ինչպէս Գերմանիոյ հետ խաղին, փոխարինման դուրս եկած Տոանը հաւասարեցուց ճակատումի հաշիւը, իսկ քիչ անց Թանաքան երկրորդ գնդակը ուղարկեց Սիմոնի դարպաս։
Այսպիսով, Ճափոնի հաւաքականը 2-1 հաշուով յաղթեց Էնրիքէի խումբին եւ անցաւ փլէյ-օֆֆ։
Ճափոն – Սպանիա 2-1
Տոան, Թանաքա – Մորաթա
Բաւականին տրամաթիք էր նաեւ զուգահեռաբար ընթացող Քոսթա Ռիքա-Գերմանիա հանդիպումը։ Քոսթառիքացիները մրցումի ընթացքին յաղթող էին 2-1 հաշուով, բայց Գերմանացիները կրցան այդ խաղը եւս երեք կոլ արձանագրել եւ յաղթել 4-2 հաշուով։
Քոսթա Ռիքա – Գերմանիա 2-4
Թեխետա, Վարկաս – Կնապրի, Հաւերց (տուպլ), Ֆուլքրուկ
Այսպիսով, Ճափոնի եւ Սպանիոյ հաւաքականները անցան փլէյ-օֆֆ, գերմանացիները եւ քոսթառիքացիները լքեցին մրցաշարը։
Մրցաշարային աղիւսակը E խումբին մէջ երրորդ փուլէն ետք․
1․ Ճափոն – 6 միաւոր
2․ Սպանիա – 4
3․ Գերմանիա – 4
4․ Քոսթա Ռիքա – 3
