20.09c
Երեվան
շբթ, մրտ 15
Ռուսաստանի զինուած ուժերու Հարաւային ռազմական ստորաբաժանումի հրամանատարի տեղակալ Ռուսթամ Մուրատով յայտարարած է, որ Ղարաբաղեան պատերազմի հետեւանքով Ատրպէյճանի մէջ պահուող հայ գերիները վերադարձնելու հարցին մէջ կայ դրական ըմբռնում:
«Այսօրուայ դրութեամբ ատրպէյճանական կողմի բոլոր զինուորները վերադարձուած են, իսկ հայ ռազմագերիներու վերադարձի գործընթացը կը շարունակուի, առկայ է դրական ըմբռնում: Կը կարծեմ, որ այդ հարցը պէտք է ամբողջութեամբ փակուի: ՌԴ խաղաղապահները գործը աւարտին պիտի հասցնեն», ըսած է Մուրատովը:
Ան նշած է, որ գերիները վերադարձնելու աշխատանքը կը գնահատուի որպէս խաղաղապահներու պարտք:
«Որպէս զինուորական, ես կը հասկնամ, թէ ովքեր են ռազմագերիները, ինչ զգացողութիւններ անոնք ունեցած են: Ես կը յիշեմ առաջին թռիչքը դէպի Պաքու, երբ գերիները կը վերադարձնէինք Երեւան: Ինքնաթիռը վայրէջք կատարեց Երեւանի մէջ ու տեսանք արցունքներ: Անոնք չէին հաւատար, որ վերադարձած են տուն», պատմած է Մուրատովը:
