2.09c
Երեվան
հնգ, փտր 12
Հայաստանի մէջ Եւրոպական Միութեան քաղաքացիական առաքելութիւնը (EUMA) կը ծրագրէ յառաջիկայ ամիսներուն երեք յաւելեալ գործառնական հանգոյց հիմնել Ջերմուկի, Իջեւանի եւ Եղեգնաձորի մէջ՝ աստիճանաբար հասնելով մօտ ապագային լիարժէք գործառնական կարողութեան: Այս մասին յայտարարած է առաքելութեան ղեկավար Մարքուս Ռիթըրը՝ Եւրոպական Միութեան դեսպան Անտրէա Վիքթորինի հետ Մարտունիի մէջ Արեւելեան Եւրոպայի եւ Կեդրոնական Ասիոյ աշխատանքային խումբի Եւրոպական Միութեան պատուիրակութիւնը հիւրընկալելու ժամանակ:
.jpg)
Ռիթըր անոնց ներկայացուցած է քաղաքացիական առաքելութեան մանթատն ու գործունէութիւնը:
Անոր խօսքով՝ գործունէութեան առաջին եռամսեակին առաքելութիւնն իրականացուցած է աւելի քան 300 պարեկութիւն Գորիսի, Ջերմուկի եւ Մարտունիի մէջ իր հանգոյցներուն մէջ: Ամէն շաբաթ պարեկները կ'անցնին աւելի քան 3800 քիլոմեթր տարածութիւն:
«Մեր նպատակն է, ի թիւս այլնի, նպաստել սահմանամերձ շրջաններու անվտանգութեան կայունացման։ Եւ, ըստ բազմաթիւ հայ պաշտօնեաներու, Եւրոպական Միութեան քաղաքացիական առաքելութիւնը նպաստած է իրավիճակի որոշակի կայունացման։ Այնուամենայնիւ, իրավիճակը կը մնայ անկայուն», - աւելցուցած է Ռիթըր:
Առաքելութեան շտաբը կը գտնուի Եղեգնաձորի մէջ, ունի վեց արագ արձագանգման կեդրոն եւ կապի գրասենեակ Երեւանի մէջ:
