15.09c
Երեվան
ուրբ, ապր 19
Թուրքիոյ Նախագահ Ռեճէպ Թայէպ Էրտողանի հաւանութեան վարկանիշը յուլիսին անկում ապրած է. թուրքերու ընդամէնը 41.5 տոկոսը յայտարարած է, որ հաւանութիւն կու տան առաջնորդի աշխատանքին որպէս նախագահ՝ MetroPoll-ի ամենամսեայ «Թուրքիոյ զարկերակը» հարցման համաձայն: Այս ցուցանիշը յունիսի համեմատ նուազած է 2.7 տոկոսային կէտով։
Հարցումը տրուած է այն ժամանակ, երբ Թուրքիան կը պայքարի անխափան գնաճի հետեւանքներու դէմ, որն արագացած է 78.6 տոկոսով, եւ որ 24 տարուայ ամենաբարձր ցուցանիշն է եւ ամենաարագ ընթացքը խոշոր զարգացող շուկաներուն եւ զարգացած աշխարհին մէջ:
Նախագահ Էրտողանը հրաժարած է ժամանակին բարձրացնել տոկոսադրոյքները՝ գնաճը նուազեցնելու համար եւ անցեալ տարուայ վերջը հրամայած էր Կեդրոնական դրամատան կրճատել փոխառութիւններու ծախսերը, որ լիրայի կտրուկ անկման յանգեցուցած է: Այդ մէկը շարքային քաղաքացիի գնողունակութեան զգալի կրճատում պատճառեց։
Ըստ MetroPoll-ի հարցման՝ Էրտողանի իշխող «Արդարութիւն եւ զարգացում» կուսակցութեանն աջակցող ընտրողներու աւելի քան 7 տոկոսը եւ անոր դաշնակից գործընկերոջ՝ ծայրայեղ աջ «Ազգայնական շարժում» կուսակցութեանն աջակցողներու 31 տոկոսը յայտարարած են, որ հաւանութիւն չեն տար Էրտողանի գործողութիւններուն:
Սպառողական գիներու աճը ծանր հարուած հասցուցած է Թուրքիոյ 84 միլիոն բնակչութեան, եւ մօտ ապագային բարելաւման քիչ յոյսեր կան, քանի որ քաղաքացիները ուժանիւթի եւ սնունդի բարձր գիներու եւ կտրուկ արժէզրկուած լիրայի բախուած են, որ կորսնցուցած է իր արժէքի 44 տոկոսը 2021-ին եւ մօտ 24 տոկոսն այս տարի։
Էրտողանի հաւանութեան վարկանիշն ապրիլի 53,6 տոկոսէն նուազած է մինչեւ 47,3 տոկոս մայիսին, քանի որ Թուրքիան դէմ էր Շուէտի եւ Ֆինլանտայի՝ ՆԱԹՕ-ին անդամակցութեան:
